Rails 3之下。Arel可以聯埋各表。只要有定義關係就得。

先定義一下：

class Adult << ActiveRecord::Base

  # 資料庫嘅表adults有定義 boolean "vip"

  has_many :children, class_name: "Student"

end

class Student << ActiveRecord::Base

  # 資料庫嘅表students有定義 string "name"

  belongs_to :parent, :class_name => 'Adult'

  scope :johns_with_vip_parent_by_join, where(name: 'john').joins(:parent).where(adults: {vip: true})

  scope :johns_with_vip_parent_by_include, where(name: 'john').includes(:parent).where(adults: {vip: true})

end

咁就行下

Student.johns_with_vip_parent_by_join

Student.johns_with_vip_parent_by_include

兩個結果一樣，後者會慳料啲，因爲有必要先聯埋。

某日坐巴士，背後有一男一女，談起基督敎，就聽到二人對答。女曰，基督敎《聖經》，創世紀開人類天闢地，好似神話。男身份敎徒，辯曰，人嘅化學成份，同坭一樣，都合乎科學，所以神做人係無錯。而且科學都唔一定啱，人類進化證據，有好多缺失，無法填補，所以唔係真。亦質疑碳十四測定法唔準，唔可以做證據云。女又問，女人係男人拎條肋骨來做。咁女人嘅化學成份，咁咪同條骨一樣？男就杈開講，我信神，都唔係因爲科學解釋呢啲嘢嘅，而係個人經歷云云。

香港基督誓反敎，卽基督新教，都唔明點解，好揀唔揀，偏好美國嗰隻創造論（creationism）。（基督敎唔係淨得創造論觀點。）結果，就迫住將科學同宗敎夾硬拉埋來講，將科學當成敵人。查實將《聖經》字面意思，當成實況，是爲大謬。《聖經》可以係寓言，可以故事，亦可以係譬喻，無必要字字皆爲實況。況且，世上無時無刻有新發現，必有與經書所無之事，必有與字面相違之處。若要盲目字字爲實，一係否定所有新事物，唔係就只有戾橫折曲一途。

現今最衝突處，就係創世紀之章。創世紀明言，天主六日創造天地，日月，海陸，草木生靈，以及人。而科學發現，越來越多證據，宇宙要經歴極長時間演變，太陽系亦然，地球亦然，生物亦然，人類亦然。創造論者，爲咗保住經書字面，就否定一切有關科學。夾硬將世上一切，按心頭好，定於數千年前某日。見到科學有任何不確定之處，就肄意攻擊，以爲執到寶，查實根本唔理解科學原理，出書出畫，貽害眾人。

科學唔係宗敎，無一個理論，可以聲言永世正確無誤。舊理論要與新發現驗證，若有矛盾，理論就會要修正，甚至推翻，由新理論取代。創造論者嘅理論，取態就相反，只要合乎聖經字面就得，唔需要乎合任何新發現。創造論者認爲，你有問題，就係我啱晒。所以佢哋就有謬論，只要科學理論有任何不確定，就係全錯，咁創造論嘅理論係就啱。

事實上，科學日新月異，好多質疑，亦正填補緊。例如人類演化，隨住新發現，脈絡亦越來越清晰，點都比神造論更有說服力。（當然，新發現，自然有更多新問題要解。）

下圖爲當今人類進化脈絡，取自http://theness.com/neurologicablog/wp-content/uploads/2011/04/hominids.jpg，可作參攷。

近年道道都話負離子，負離子就係健康。我讀過些少自然科學，就大惑不解。宣傳者，往往語焉不祥，稍有自然常識，都一頭霧水。

科學上，離子，就係帶電嘅分子。因化學特性，而帶電。帶負電嘅，由於係陽極產生，叫陽離子叫陰離子，又叫負離子。相帶正電嘅，叫陰離子陽離子，或正離子。

而物理上有講，電荷係守恆，卽係正負電，總體來講，正負電總和，唔會加多，唔會減少。多一分正電，就多一分負電，少一分正，就少一分負。就正可以推論，咁造多啲負離子，亦同時造多啲正離子。越多負離子，就越多正離子。如果負離子係好嘅話，咁生產多啲好，亦同時生產多啲壞。咁又何好之有？

況且好同壞，斷唔會用正負電來睇。反而離子化學成份，對人有乜作用，先至係關鍵。有啲帶負離子，化學成分會傷身。我反而想知，啲負離子產品，有乜嘢離子生出來，化學成份如何。咁先至係問題根本。

後補修正：

由aayjaychan君指正陰陽離子。

是實係。

英文Cathode，中文陰極。
出Cation，中文叫陽離子，帶負電。

英文Anode，中文陽極。
出Anion，中文叫陰離子，帶正電。

按理解釋，Cation係增電子嘅離子，而Anion係減電子嘅離子。